Klare for Matfestivalen
CREO-klassen klare for Matfestivalen.
I fleire år har elevar frå Ålesund vgs hatt oppdrag under Matfestivalen i Ålesund. Denne veka er det full fart igjen. Både Creo, Idrettsfag og Sal, service, sikkerheit er allereie i sving for å førebu festivalen som startar onsdag.
Elevane på Creo Vg1, det nye tilbodet retta mot entreprenørskap og bedriftsutvikling, skal ha mange ulike oppgåver under festivalen. I dag jobbar dei på spreng med rigging. Saman med Idrettsfag Vg1 startar dei produksjon av baccalao kl 14 i dag, og frå onsdag av står dei på salsstand i matteltet.
Lærarane på Sal, Service og sikkerheit Vg2 har lang erfaring med å bruke matfestivalen som læringsarena. Og som vanleg finn vi dei på stand med sal av Dalens fiskekaker. Slik får dei verdifull praksis både innan sal og service.